Concello de Verín

O Club Baloncesto Xuventude Verín coa colaboración do Concello de Verín, anuncia a apertura das inscricións para as escolas de baloncesto para a tempada 2024-2025. Unha oportunidade fantástica para que nenos e nenas de todas as idades se sumen ao mundo do baloncesto desfrutando deste deporte en equipo.

Para a tempada que se aproxima, o club ofrece unha variedade de categorías adaptadas a diferentes idades: 

- Baby Basket: Para nados entre 2017 e 2019, en categoría mixta. 

- Premini: Nados en 2015 e 2016, tamén en categoría mixta. 

- Minibasket: Nados en 2013 e 2014, divididos en equipo masculino e feminino. 

- Infantil: Nados en 2011 e 2012, en masculino e feminino.  

- Cadete: Nados en 2009 e 2010, en masculino e feminino. 

- Junior: Nados en 2007 e 2008, en categoría masculina.

 
As inscripcións estarán abertas ata o día 3 de setembro para as categorías de canasta grande (Junior, Cadete e Infantil) e ata o 30 de setembro para as categorías de minibasket (Minibasket, Premini e Baby Basket). A cuota de inscripción varía segundo a categoría, sendo 180 € para a categoría Junior, 150 € para Premini, Minibasket, Infantil e Cadete, e 100 € para Baby Basket. 

O pagamento da cuota deberá realizarse na seguinte conta bancaria de ABANCA, ES77 2080 5168 1330 4000 7059. Os interesados deberán enviar a folla de inscrición completa e o xustificante de pago ao correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo . 

A tempada comezará o 12 de setembro de 2024 e finalizará o 31 de maio de 2025. É importante que todos os xogadores dispoñan de zapatillas específicas para a instalación e que traian unha botella de auga para cada sesión de adestramento e partido. Os equipos estarán compostos por un máximo de 15 xogadores, e as prazas serán asignadas por rigorosa orde de inscripción.

Para calquera dúbida ou máis información, non dubiden en contactar co Club Baloncesto Xuventude Verín.