Concello de Verín

  • Decrease font size
  • Default font size
  • Increase font size
Home Cidade Novas A Feira de Nadal de Verín contará cunha vintena de postos temáticos, animación musical e actividades infantís
A Feira de Nadal de Verín contará cunha vintena de postos temáticos, animación musical e actividades infantís PDF Imprimir Correo-e
Venres, 26 Novembro 2021 13:23

 Un total de vinte postos temáticos de artesanía e alimentación, animación musical diaria e actividades para os máis pequenos da casa. Así será a programación da próxima feira de Nadal organizada polo Concello de Verín entre os días 4 e 8 de decembro na Praza García Barbón.

A programación oficial foi presentada esta mañá no Salón de Actos da Casa da Cultura de Verín polo concelleiro de Transportes, Feiras e Hostalería, Manuel Lorenzo Feijóo e pola concelleira de Educación, Cultura e Festexos, Emilia Somoza Basalo.

Segundo destacou Manuel Feijóo, «instalaranse na feira un total de vinte postos temáticos que contarán cunha completa e variada oferta de produtos de artesanía e alimentación, sen esquecernos tampouco do xénero máis típico de nadal como son os agasallos artesáns, a decoración variada ou as típicas figuras para a árbore».

Unha das novidades desta Feira será a animación musical diaria. «Para esta edición preparamos unha selección musical moi especial, e fixémolo contando co talento dos nosos propios veciños e veciñas», explicou Emilia Somoza. Para iso instalarase un pequeno escenario no centro da Praza García Barbón no que os asistentes poderán desfrutar coas actuacións de Vitoria Pérez & David  Rodríguez, Nerea Xusto,  Coral de Verín, Cuarteto  Nova Era, Conservatorio de Musica de Verín e da actuación de Todo Fitness.

Tamén haberá un espazo dedicado aos máis pequenos da casa que recibirán a visita de dúas das figuras  máis tradicionais do Nadal, como son o Apalpador e Papa Noel. Tamén, desde o luns 6 ao mércores 8 decembro, haberá un servizo de ludoteca infantil no que os nenos e nenas poderán gozar de divertidas actividades lúdicas.

 

Programación

 

SÁBADO 4 DE DECEMBRO

12:00   Apertura da feira

17.30   Vista do Apalpador

18.30   Concerto Victoria Pérez & David Rodríguez

22:00   Peche da feira

 

DOMINGO 5 DE DECEMBRO

12:00   Apertura da feira

17.30   Visita de Papa Noel

18.30   Concerto de Nerea Justo

22:00   Peche da feira

 

LUNS 6 DE DECEMBRO

12:00   Apertura da feira

19.00   Concerto Cuarteto Nova Era

22:00   Peche da feira

 

Ludoteca infantil 12:00 a 14:00h | 16:00 a 20:00h

 

MARTES 7 DE DECEMBRO

12:00   Apertura da feira

18.30   Concerto Coral de Verín

22:00   Peche da feira

 

Ludoteca infantil 12:00 a 14:00h | 16:00 a 20:00h

 

MÉRCORES 8 DE DECEMBRO

12:00   Apertura da feira

17:30   Actuación Todo Fittness

18.30   Concerto Conservatorio

22:00   Peche da feira

 

Ludoteca infantil 12:00 a 14:00h | 16:00 a 20:00h

 

 

 

 

 

 
EBC

Logo FEADER

Centro de Dia

Guía da Comarca de Verín


Solicitude de Participación









CoronaVirus
Buzón do Cidadán

IOP Definitivo

PEID Definitivo

PEID Caldeliñas

Plan Xeral de Ordenación Urbana


Sede electrónica


A un click


Biblioteca Municipal








Visor Sixpac



?>