Concello de Verín

  • Decrease font size
  • Default font size
  • Increase font size
Home Cidade Novas A Policía Local de Verín suma dous novos vehículos á súa frota
A Policía Local de Verín suma dous novos vehículos á súa frota PDF Imprimir Correo-e
Luns, 13 Setembro 2021 14:20

 A concelleira de Recursos Humanos e Réxime Interior, Rosario Rodríguez, anunciou esta mañá que nos próximos días o  Concello de Verín recibirá dous novos vehículos, destinados a aumentar os recursos e medios cos que conta a Policía Local de Verín.


O pasado 9 de xuño do 2021 asinouse coa empresa Grupivazgle SL contrato de subministración por renting destes vehículos por un período total de 5 anos. Cabe destacar que será a primeira vez que a frota local conte cun vehículo híbrido, contribuíndo así a lograr os obxectivos marcados pola Axenda 2030.

«Ademais», matizou Rodríguez, «somos conscientes de que o número de efectivos no corpo de Policía Local do  Concello de Verín diminuíu debido a prexubilacións e incapacidades absolutas no seu persoal. É por isto que desde o grupo de goberno aprobamos dúas ofertas de emprego público (2019 e 2021) cuxa finalidade é dotar de tres efectivos máis á policía local.»

Segundo explicou Rosario Rodríguez, a día de hoxe, non é posible sacar ditas prazas xa que os sindicatos CIG e CSIC teñen recorridas ambos a oferta pública do ano 2019, e CIG tamén a oferta correspondente ao ano 2021. «É sorprendente que estando a CIG sentada na negociación da Oferta Pública de  emprego (OPE) 2021, na que se dota de novos efectivos á Policía Local de Verín, agora atopámonos con que leste mesmo sindicato presenta unha demanda impugnando dita oferta o pasado mes de xullo».

Por último, Rodríguez anunciou tamén que o concello ten “encima da mesa” a oferta económica correspondente ao mantemento da zona azul, a cal permitirá a posta a piques dos  parquímetros, e cuxa xestión e mantemento será realizará por persoal municipal.

 
EBC

Logo FEADER

Centro de Dia

Guía da Comarca de Verín


Solicitude de Participación









CoronaVirus
Buzón do Cidadán

IOP Definitivo

PEID 2019

PEID Definitivo

Plan Xeral de Ordenación Urbana

Sede electrónica


A un click


Biblioteca Municipal








Visor Sixpac



?>