Concello de Verín

  • Decrease font size
  • Default font size
  • Increase font size
Home Cidade Novas O Concello de Verín únese ao “apagón” para concienciar sobre o cambio climático
O Concello de Verín únese ao “apagón” para concienciar sobre o cambio climático PDF Imprimir Correo-e
Xoves, 03 Xuño 2021 18:56

 Un total de 23 concellos socios Fondo Galego de Cooperación e Solidariedade, entre o que se encontra o Concello de Verín, uniranse este sábado, 5 de xuño, ao “apagón” convocado pola entidade con motivo do Día Mundial do Medio Ambiente. A partir das 23 horas, suspenderase a iluminación pública de consistorios, prazas, igrexas, torres e outros monumentos co fin de concienciar sobre o consumo enerxético. A acción encádrase no proxecto europeo ‘People and Planet’, que implica á mocidade e aos gobernos locais na loita contra o cambio climático.

Aínda que o consumo eléctrico en Galicia caeu un 5,8% no ano 2020, tratouse dun descenso coxuntural debido á paralización da actividade por mor da Covid-19, de aí que cumpra seguir fomentando o aforro de enerxía para evitar o impacto ambiental que supón producila. Tanto as institucións como a cidadanía poden tomar medidas neste senso, como empregar o transporte público ou a bicicleta, elixir aparellos de baixo consumo, programar unha temperatura racional no fogar, encher ben a lavadora e o lavalouza ou apagar as luces e dispositivos como o ordenador cando non os utilicemos.


En xeral, consumir menos e facelo dun xeito responsable contribúe a combater a emerxencia climática e, polo tanto, a protexer os ecosistemas, que é o tema no que este ano se centra o Día Mundial do Medio Ambiente, baixo o lema ‘Reimaxina, rexenera, restaura’. Ademais, o “apagón” proposto polo Fondo Galego é unha das máis de 50 actividades que se impulsarán nos concellos socios dentro do proxecto ‘People and Planet’ e que van desde accións de rúa como o flashmob e a performance ata obradoiros de cociña sustentable, debuxo urbano, exposicións virtuais, retos virais, etc. Búscase así contribuír a acadar os Obxectivos de Desenvolvemento Sostible fixados por Nacións Unidas e, en especial, ao ODS 13: adoptar medidas urxentes para loitar contra o cambio climático e os seus efectos.


O Fondo Galego

O Fondo Galego de Cooperación e Solidariedade está integrado por 100 concellos e as deputacións de Pontevedra, A Coruña e Lugo, que concentran a través desta rede os seus esforzos no eido da cooperación ao desenvolvemento. Garántese deste xeito unha xestión profesional e transparente, así como a realización de proxectos con impacto nos países do Sur e a sensibilización da sociedade galega a prol da solidariedade internacional. Recoñecido como axencia municipal da cooperación galega, desde a súa fundación en 1997 o Fondo Galego ten desenvolvido uns 170 proxectos en 32 países e promove numerosas actividades e materiais en relación aos desequilibrios Norte-Sur e a Axenda 2030.


Listaxe de concellos adheridos ao “apagón” ambiental

A Laracha

Praza do Concello

Ames

Casa do Concello e Praza do Concello

A Pobra do Caramiñal

Casa do Concello

As Pontes de García Rodríguez

Casa do Concello

Barreiros

Casa do Concello

Boiro

Casa do Concello e Casa da Cultura

Cabanas

Casa do Concello

Caldas de Reis

Casa do Concello

Cambre

Igrexa de Santa María e contorna

Cariño

Casa do Concello

Fene

Casa do Concello

Miño

Monumento dos Andrade, Igrexa de San Xoán de Vilanova e Praza do Parchís

Moeche

Xardíns da Casa do Concello

Narón

Pazo da Cultura

Nigrán

Por definir

O Barco de Valdeorras

Torre do Castro

Pontedeume

Torreón dos Andrade

Pontevedra

Casa do Concello

Redondela

Multiusos de Chapela

Tomiño

Casa do Concello

Verín

Casa do Concello e Praza do Concello

Viana do Bolo

Torre da Homenaxe

Viveiro

Porta de Carlos V e Igrexa de Santa María


 
EBC

Logo FEADER

Centro de Dia

Guía da Comarca de Verín


Solicitude de Participación









CoronaVirus
Buzón do Cidadán

IOP Definitivo

PEID 2019

PEID Definitivo

Plan Xeral de Ordenación Urbana

Sede electrónica


A un click


Biblioteca Municipal








Visor Sixpac



?>