Dentro da firme aposta da Consellería de Política Territorial, Obras Públicas e Transportes pola seguridade viaria e a redución da sinistralidade nas estradas púxose en marcha o Programa de transporte nocturno a lugares de lecer, coñecido como NOITEBÚS, cuxo obxectivo é ofrecer unha alternativa de transporte a lugares e en datas e horarios preferentemente vinculados ao goce do tempo de lecer.

Coa finalidade de fomentar o seu uso, a Consellería de Política Territorial, Obras Públicas e Transportes fixou o prezo dos billetes en 2 Euros, ida e volta, que dará dereito á utilización sen límite de veces do servizo ao longo dunha mesma xornada.