Concello de Verín

 O Concello de Verín, a través dun decreto de Alcaldía, declarará o loito oficial no municipio de Verín polo finamento de D. Santiago Cid Harguindey, alcalde da localidade entre os anos 1983 e 1991.

 O Concello de Verín  vén de rematar a primeira fase de renovación da iluminación pública por luces LED co consecuente aforro e eficiencia enerxética, así como a redución de emisións de gases de efecto invernadoiro. En total substituíronse 2154 luminarias de iluminación pública correspondentes ao centro urbano de Verín e aos  núcleos rurais de  Tintores e Vilela. Esta actuación, que supuxo unha investimento total de 974.728,80 euros,  foi cofinanciada nun 80 por cento (779.783,10 euros) polo Fondo Europeo de Desenvolvemento Rexional (FEDER) no marco do Programa para a Renovación da Iluminación Público Municipal do  IDAE, e no restante 20 por cento (194.945,7 euros) por fondos municipais.

 Un total de 23 concellos socios Fondo Galego de Cooperación e Solidariedade, entre o que se encontra o Concello de Verín, uniranse este sábado, 5 de xuño, ao “apagón” convocado pola entidade con motivo do Día Mundial do Medio Ambiente. A partir das 23 horas, suspenderase a iluminación pública de consistorios, prazas, igrexas, torres e outros monumentos co fin de concienciar sobre o consumo enerxético. A acción encádrase no proxecto europeo ‘People and Planet’, que implica á mocidade e aos gobernos locais na loita contra o cambio climático.

 Esta mañá, a Biblioteca de Verín clausuraba o seu ciclo de videoconferencias temáticas con presentación do libro “Memorias non silencio” de Eva Mejuto, na que participaron 80 menores do IES Castro  Baronceli e do Colexio Amor de Deus María Inmaculada.

O Museo de Verín reabre hoxe as súas portas ao público logo de varios meses pechado por mór da situación sanitaria. A tendencia á baixa dos datos de contaxios e o aceleramento da vacinación motivou a reapertura deste centro que procurará continuando a ser o enclave cultural estratéxico do sur de Ourense. Unha visión diferente, didáctica e visual pensada a partir das técnicas de interpretación patrimonial máis modernas que nos seus tres anos de vida xa constitúe un centro indispensable para os amantes da enoloxía e do patrimonio material e inmaterial.