Concello de Verín

Durante os meses de outubro e novembro, a Biblioteca Pública Municipal de Verín e o programa de Educación Familiar organizan actividades lúdico-culturais todos os sábados, de 11.30 a 13.30 horas.

Desde o Concello de Verín apóiase a decisión, suscitada pola Asociación de Comerciantes (AEVER), de trasladar a Feira do 11 de outubro ao día 10, xa que o luns día 12 é festivo nacional.

A Oficina de Rehabilitación do Casco Antigo de Verín realizou, nos últimos meses, os estudos previos necesarios para efectuar as obras de reurbanización do casco antigo e barrio de San Lázaro.

Durante os meses de outubro e novembro, a localidade de Verín acollerá a segunda edición do Ciclo Músicas Raianas, promovido polo Concello de Verín coa colaboración económica da Consellería de Cultura e Turismo, e que ten como obxectivo a difusión da música que se está realizando no espazo da Eurocidade Chaves-Verín.

Desde o próximo mes de outubro, a Unidade de Concellos Saudables de Verín establécese, de modo permanente, no Pavillón de Deportes da localidade. Para acceder a este servizo, atendido por un técnico deportivo e unha nutricionista, será necesario pedir cita previa no teléfono 988-410767.