Concello de Verín

Desde o 6 ao 19 de maio, a Casa do Escudo de Verín acolle a exposición Óleos de Leonardo, do pintor Leonardo Vidal Rodríguez.

A Eurocidade Chaves-Verín pon en marcha a segunda edición do Programa de Termalismo Social, que comezará o día 22 de maio e na que grupos de 30 a 50 persoas poderán acudir ás Termas de Chaves beneficiándose dun desconto do 50 por cento.

Na xornada de hoxe, a partir das 20.15 horas, na Casa da Cultura proxectaranse Cousas do Kulechov, de Susana Rei Crespo. Nun percorrido pola paisaxe, as costumes e a actualidade galega, esta historia narra un suposto conflito bélico onde o exército invasor ataca as costas galegas. Constrúese un falso documental, no que a flota de guerra son as bateas ordenadas sobre a ría, sen esquecer o asalto ás praias ou as mariscadoras entrando no mar, entre outros aspectos.

Con motivo das obras de renovación do abastecemento e reposición de beirarrúas nas rúas Cancelón e Espido, que comezarán o vindeiro luns 4 de maio, cortaranse devanditas vías, a primeira na súa totalidade, e na rúa Espido, o tramo comprendido entre a rúa Irmáns Moreno e a glorieta da Canella Cega.

A praza da Alameda, acollerá o día 1 a Festa dos Maios desde as 11.30 ás 14 horas. Esculturas feitas con elementos naturais, música tradicional, xogos populares, comida de romaría e reparto gratuíto das coplas do Certame Enrique Gómez Pato, ambientarán esta manifestación da cultura tradicional.