Concello de Verín

Os días 27, 28 e 29 de outubro o Salón de Actos da Casa da Cultura de Verín acolle o 4º ciclo de cinema galego-portugués Mulleres, patrimonios, sociedade Verín. Neste ano 2022 centrarase no papel das mulleres no mundo da morte e da dor que se ergue cunha forte carga patrimonial e social; un mundo que une moitos territorios do rural galego e portugués, onde presenta características comúns arredor do papel da muller, as crenzas e os ritos, mais tamén algunhas diverxencias. Moitos destes aspectos serán tratados a través dos audiovisuais seleccionados.

 Banksy, o artista urbano máis destacado do panorama internacional, desembarcou de novo en Verín con cinco das súas obras máis coñecidas,  entre as que destacan “Nena con roda”,  “Pulp Fiction” ou “Think tank”.  As intervencións forma parte da mostra ao aire libre “Verín, territorio Banksy”, que formará un roteiro polas rúas que próximamente será presentado polo Concello.

Desde a área de Deportes do Concello de Verín ponse en marcha, en colaboración co IES Taboada Chivite, un Curso de Iniciación ao Tenis, enfocado a mozos de ata 18 anos, coa finalidade de achegar este deporte tan completo aos máis pequenos.

O Concello de Verín continúa coas proxeccións do Ciclo Mestre Mateo. A  vindeira cita será o domingo 23 de outubro, ás 19.00 horas, coa  proxección  do filme Malencolía no Salón de Actos da Casa da Cultura de Verín, lugar no que terán lugar todas as exhibicións programadas no marco desta iniciativa. (Os filmes proxectaranse mensualmente ata novembro, sempre con carácter gratuíto).