Concello de Verín

Desde mañá martes e ata o vindeiro 05 de xaneiro, o Fondo Social Municipal de Verín promove a realización dun 'rastrillo' de Nadal, destinado a recadar achegas monetarias que permitirán adquirir alimentos para as persoas usuarias desde servizo.

Desde o Punto de Información e Asesoramento Educativo Municipal do servizo municipal de Educación Familiar infórmase da publicación da resolución do 6 de novembro de 2013, da Dirección Xeral de Emprego e Formación, pola que se realiza a convocatoria pública do procedemento de recoñecemento das competencias profesionais adquiridas a través da experiencia laboral, na Comunidade Autónoma de Galicia, en determinadas unidades de competencia do Catálogo nacional de cualificacións profesionais.

O departamento de Educación Familiar do Concello de Verín, enmarcado nas actividades da Escola de Familia, pon en marcha dúas novas accións formativas: 'Acompañamento e reforzo educativo. Estudar pode ser divertido' e 'Reenganchate aos estudos, nunca é tarde para aprender', que se impartirán no edificio municipal de O Lavadoiro.

A área de Maiores do departamento de Servizos Socias do Concello de Verín programa, para os meses de novembro e decembro, a realización do proxecto “Anos cumpridos” para as persoas maiores de 65 anos das diferentes localidades do municipio de Verín.

As oficinas de Atención ao Inmigrante e do Plan Xitano do Concello de Verín promoven a organización dun curso de alfabetización dixital destinado a persoas en risco de exclusión social do municipio, en concreto, mulleres de etnia xitana e inmigrantes maiores de 18 anos.