|
Nas xornadas do 4 e 5 de maio, o centro cultural de Chaves acollerá o I Fórum de Educación das Escolas do Alto Támega e Eurocidade Chaves-Verín co título 'Os mozos, a saúde e a cidadanía' e destinado a alumnos/as de oito e nove anos.
Esta iniciativa está organizado pola Ministerio da Educaçâo, Delegaçâo Regional de Educaçâo do Norte, Eurocidade, Município de Chaves, Chaves Viva, Governo Civil de Vila Real, Escola Superior de Enfermagem, Instituto Português da Juventude, Polícia de Segurança Pública, Xefatura Provincial da DGT e Dirección Xeral de Xuventude e Voluntariado.
Durante as dúas xornadas terán lugar representacións teatrais, actuacións musicais, monólogos, mímica, danza, sesións de sensibilización e presentación de proxectos como 'Protección civil e primeiros auxilios', 'Alimentación', 'Eu e os outros', 'Alimentación e drogas' ou 'Educación sexual e violencia no medio escolar', entre outras actividades.
A Eurocidade Chaves-Verín é un proxecto de cooperación transfronteiriza aprobado no ámbito do Programa Operacional de Cooperación Transfronteiriza España-Portugal (POCTEP), coa participación financieira da Unión Europea (co-financiamento FEDER).
|
