Concello de Verín

¿Cando e como poden saír os rapaces a partir do domingo 26 de abril?

Presencial pero coas medidas de seguridade recomendadas. Así vai ser o ”macropleno” económico do vindeiro 4 de maio do Concello de Verín, no que o consistorio do Támega vai mobilizar preto de 14 millóns de euros que repercutirán directamente na economía local. Especialmente destacable é o capítulo de inversións, que destinará durante este ano 3,5 millóns de euros (un 250% máis que en 2019) a unha inxección directa de obras e proxectos que, ademais de melloras e modernización para a vila, “repercutan directamente na economía local”, sinalan dende o grupo de goberno. Xa anticipan tamén que, case inmediatamente, haberá unha modificación para facer fronte aos efectos da crise.

A Agrupación Europea de Cooperación Territorial (AECT)  Eurocidade  Chaves-Verín, organismo que agrupa os municipios de  Verin en España e  Chaves en Portugal, súmase á iniciativa  TravelOFF. Un proxecto de turismo  experiencial, onde se prioriza o contacto e interacción coas persoas en viaxes virtuais a través da plataforma de Google  earth, ao dispor de calquera persoa.

Afundación, a Obra Social de ABANCA, a través do seu Colexio Hogar, o centro de formación profesional situado en Vigo, fixo chegar  Policía Local de Verín unha importante cantidade de mascarillas de primeira barreira de protección.

A concellería de  Festexos do Concello de Verín celebrará a festa dos Maios, mantendo a elaboración das tradicionais coplas pero adaptadas e optimizadas para a súa lectura e difusión a través de internet e dispositivos móbiles. Ao non ser posible a venda das coplas e a recadación de fondos solidarios para as asociacións participantes, así como a elaboración dos Maios Florais, debido ás restricións derivadas do actual estado de alarma, o ente municipal  decdidiu doar,  integramente, a  cantidade  orzamentada para devanditos festexos  á investigación da vacina contra o COVID-19.