Concello de Verín

 Tras uns meses coa súa actividade paralizada debido á situación sanitaria provocada pola pandemia de COVID-19, o Concello de Verín retoma en xaneiro o seu Curso de Teatro. Esta iniciativa terá lugar no Pavillón Municipal de Verín, localización na que se leva impartindo desde finais do ano 2018.

 Durante os próximos meses a  Eurocidade  Chaves-Verín, AECT, organiza baixo a marca  Fronteira de Oportunidades unha serie de actividades en liña gratuítas encamiñadas a impulsar a actividade económica a través da aposta pola internacionalización de proximidade, é dicir, mostrar as posibilidades de negocio existentes entre ambos os lados da Raia  hipano-lusa.

 Desde o Concello de Verín informamos aos socios e socias da Piscina Climatizada de que no caso de querer darse de baixa dos servizos destas instalacións deportivas poden facelo presencialmente na propia piscina ou a través do teléfono 988414184.

 A Piscina Climatizada de Verín abre o prazo de preinscrición para o curso de natación infantil, que comezará o 18 de xaneiro de 2021.

 O Concello de Verín reactiva a súa programación cultural a partir do sábado 26 de decembro. Así pois, a vila do Támega arrinca a súa axenda con cinco interesantes propostas -catro representacións teatrais e un concerto- pensadas para o desfrute de todos os públicos. Hai que recordar que se suspenderan todas as actividades públicas programadas a raíz do aumento da incidencia da Covid-19 en Verín, situación que se estabilizou nas últimas semanas.