Concello de Verín

 A Biblioteca Municipal de Verín foi seleccionada entre os 10 mellores proxectos de animación á lectura de toda España dentro da  XX Campaña 'María  Moliner' para municipios de menos de 50.000 habitantes – que convocan o Ministerio de Cultura e Deporte e a Federación Española de Municipios e Provincias (FEMP)- pola súa iniciativa “Voluntariado cultural con rapaces/as s para o fomento da lectura”. Deste  xeito, a Biblioteca verinesa recibirá 10.000 euros financiados polo Ministerio de Cultura e Deporte, que serán destinados a compra de libros e/ou publicacións periódicas.

 A VI edición do Festival Internacional de Curtametraxes de Verín, FIC Vía XIV, acollerá como unha das súas actividades paralelas a presentación da obra Son para Audiovisuais, cuxos coautores son Marco García Torres e Rafael Godás Ibáñez, profesores na área da imaxe e do son. A publicación traslada aos lectores técnicas, trucos e exemplos de probada eficacia para que poidan empezar a crear bandas sonoras con resultados profesionais.

A día de hoxe, venres 16 de xullo, a cifra de casos activos por COVID-19 no Concello de Verín é de 12 persoas.

O sábado 17 de xullo, ás 22:30 horas, proxectarase  no aparcadoiro gratuíto da Preguiza a película Las Niñas dirixida por Pilar Palomero. Un retrato da xeración das mulleres de hoxe, debuxado a través da educación que recibiron a principios dos 90 en España. Goya á Mellor Película.

 O alcalde de Verín, Gerardo Seoane, expuxo onte en Mondariz o caso de éxito de Verín no impulso da recuperación das infraestruturas termais, asegurando que «hai que repetir o exemplo dos séculos XIX e XX, no que o establecemento dunhas instalacións balnearias supuxo a articulación de núcleos urbanos coma Verín ou Mondariz», ademais de «instaurar elementos tractores da economía local» que potenciaron o desenvolvemento destas vilas.