Concello de Verín

O FIC Vía XIV xa é un referente que traspasa fronteiras”. Así o asegurou o alcalde de Verín, Gerardo Seoane, no acto de clausura da VI edición do festival de curtas, no que tamén fixo fincapé en que “o festival, ao igual que o Entroido, axuda a situar Verín no mapa”. Gerardo Seoane puxo tamén en valor o poder transformador do cinema en tanto en canto “axuda a conformar o pensamento crítico”.

O ourensán Sergio Pazos foi o artista homenaxeado na VI edición do FIC Vía XIV de Verín, sucedendo así a Luis Zahera, a quen se homenaxeou o ano pasado. Ao igual que Zahera, Sergio Pazos posúe unha ampla traxectoria que inclúe os campos do teatro, do cinema e da televisión.

A VI edición do Festival Internacional de Curtametraxes de Verín, FIC Vía XIV, acollerá como unha das súas actividades paralelas a presentación da obra Son para Audiovisuais, cuxos coautores son Marco García Torres e Rafael Godás Ibáñez, profesores na área da imaxe e do son. A publicación traslada aos lectores técnicas, trucos e exemplos de probada eficacia para que poidan empezar a crear bandas sonoras con resultados profesionais.

Tras aprobar por unanimidade a acta da anterior sesión ordinaria, o presidente, Gerardo Seoane, someteu a votación a fixación das festas locais do ano 2022 quedando aprobado que sexan finalmente o 17 de xaneiro (San Antón) e o 2 de marzo (mércores de Cinza). Devandito punto quedou aprobado por unanimidade.

 Hoxe estreouse no Auditorio de Verín Capuchóns, unha curta documental sobre o Entroido de Verín, dirixida por Íñigo Rolán Taboada como proxecto de fin de grao. Rolán Taboada é verinés e colaborou en diferentes edicións do FIC Vía XIV de Verín, o que evidencia que a canteira do certame comeza a dar os seus froitos.