Concello de Verín

O Concello de Verín en colaboración coa Deputación Provincial de Ourense organiza, entre o 14 de novembro e o 12 de decembro, un ciclo-homenaxe a Ángel Barja Iglesias, que foi o músico sobranceiro dos nacidos na comarca de Verín e un dos compositores galegos máis importantes do século XX. Compositor con máis de cincocentas obras en catálogo, obtivo, entre outros, o Premio Nacional de Composición (1972 e 1984), o Premio Internacional de Composición (1972 e 1981), o Premio Cristóbal Halfter (1982) e o Premio Internacional da Real Academia de Bellas Artes de Granada (1985).

Desde o 14 ao 28 de novembro a Casa do Escudo de Verín acolle a exposición ‘Última’, do artista verinense Fernando Barreira.

O Concello de Verín promove a realización de cursos de iniciación e perfeccionamento de danza oriental, destinada a nenos con idades comprendidas entre 6 e 12 anos e a poboación adulta.

O próximo sábado 14 de novembro, de 11.30 a 13 horas, a Biblioteca Pública Municipal do Concello de Verín organizará unha actividade lúdica e cultural adicada ao mundo circense, na que se realizarán manualidades, xogos e contacontos.

Durante os días 11, 13 e 18 de novembro, os/as alumnos/as do Colexio María Inmaculada participarán nunhas xornadas de contacontos e manualidades, organizadas na Biblioteca Pública Municipal de Verín.