Concello de Verín

Desde Desenvolvemento Local do Concello de Verín infórmase da publicación da convocatoria de Subvencións para a potenciación, a mellora de establecementos existentes de turismo rural, e a creación ou mellora da oferta complementaria nos establecementos de turismo rural existentes.

Catro traballadoras e traballadores da Administración local galega protagonizarán experiencias de voluntariado en Cabo Verde e Nicaragua co programa Vacacións con Traballo, promovido polo Fondo Galego de Cooperación e Solidariedade, ao que o Concello de Ourense está asociado. A concelleira ourensá de Benestar Social, Margarita Martín, e o responsable da Secretaría Técnica do Fondo Galego, Ánxelo González, presentaron esta mañá as bases da nova convocatoria e mais o caderno ‘Experiencias Solidarias 2010’.

O salón de actos da Casa da Cultura de Verín acolleu, na xornada de hoxe, a entrega de diplomas da formación do equipo comarcal de intervención sociolaboral de Xinzo de Limia no concello de Verín, no marco do II Plan Galego de Inclusión Social 2007-2013, presidido por Roberto Rodríguez, xerente do Consorcio Galego de Servizos de Igualdade e Benestar, e Juan Manuel Jiménez Morán, alcalde de Verín.

 Na xornada de mañá 15 de abril, de 9 a 10.30 horas, o Centro Cooperativo de Pazos (Verín) acollerá a presentación 'Eurocidade Chaves-Verín como un espazo innovador para o desenvolvemento de oportunidades'.

O alcalde de Verín, Juan Manuel Jiménez Morán, e a concelleira de Igualdade, Corona Meixeira Romasanta, entregaron na xornada de hoxe os diplomas do curso de 'Mobilización de persoas maiores dependentes'.