Concello de Verín

Desde Desenvolvemento Local do Concello de Verín infórmase da publicación da resolución do 26 de xuño de 2013, da Secretaría de Estado de Turismo, pola que se convocan axudas para proxectos e actuacións dentro do programa Emprendetur I+D+i composto polas liñas Emprendetur I+D e Emprendetur Desarrollo de Productos Innovadores no marco do Plan Nacional e Integral do Turismo, correspondentes ao exercicio 2013.

Desde Desenvolvemento Local do Concello de Verín infórmase da publicación da corrección de erros da resolución, do Instituto Galego de Promoción Económica, do 20 de maio de 2013 pola que se lle dá publicidade ao acordo do Consello de Dirección que aproba as bases reguladoras das axudas do Igape ao programa de apoio á innovación das pequenas e medianas empresas en Galicia (Programa Innoempresa), cofinanciado polo Fondo Europeo de Desenvolvemento Rexional, e se procede á súa convocatoria en réxime de concorrencia competitiva en colaboración coa Axencia Galega de Innovación (Gain).

Desde o departamento de Servizos Sociais Comunitarios do Concello de Verín, infórmase que ata o 30 de setembro está aberto o prazo de inscrición para participar na seguna edición do programa Termalismo Saudable 2013, da Deputación de Ourense.

Desde Desenvolvemento Local do Concello de Verín infórmase da publicación da resolución do 28 de xuño de 2013 pola que se dá publicidade ao acordo do Consello de Dirección do Instituto Galego de Promoción Económica (Igape), que aproba as bases reguladoras do Programa de apoio ao acceso ao financiamento operativo (activo corrente) das pequenas e medianas empresas, instrumentadas mediante convenio de colaboración entre o Igape, as sociedades de garantía recíproca galegas e as entidades financeiras adheridas (Re-solve 2013), e se procede á súa convocatoria en réxime de concorrencia non competitiva.

O presidente da Asociación de Municipios de las comarcas de Verín e Conso-Frieiras e alcalde de Verín, Juan Manuel Jiménez Morán, e o director de Adapta, Juan Carlos Somoza Miguéns, presentaron esta mañá o proxecto 'Catro Estacións Gastronómicas en Portas de Galicia', unha iniciativa destinada a potenciar a oferta enogastronómica das comarcas de Verín e Conso-Frieiras como atractivo turísticos da zona ao longo de todo o ano.