Concello de Verín

Onte, 13 de marzo, tivo lugar unha reunión na sede da Eurocidade Chaves-Verín, AECT, na que representantes do  municipio de Chaves, do Concello de Verín, da Axencia Portuguesa de Ambiente e da Confederación Hidrográfica do Douro constituíron o Comité de Seguimento para a xestión e ordenación común da cunca hidrográfica do Támega.

O vindeiro xoves 16 de marzo, ás 19:30 horas, o Salón de Actos da Casa da Cultura acolle a charla coloquio “Muller emigrante: dobre vida cara ao esquecemento”, con Sonia Torre, xornalista e investigadora como relatora convidada.

Desde esta mañá, Verín conta cun monumento ao moteiro, inaugurado na avenida de Castela (á altura do nº87).  O acto inaugural contou coa asistencia do tenente de alcalde de Verín, Diego Lourenzo Moura, e do presidente do “Vespas Clup Verín”, Miguel Ángel Domínguez Rosas; entre outros representantes da asociación así como de numerosos amantes destes vehículos de dúas rodas.

A Sección de Entidades Locais con Augas Mineiro-Medicinais e Termais, constituída no seo da Federación Española de Municipios e Provincias (FEMP), reúnese os días 9, 10 e 11 de marzo de 2023 no Balneario de Arnoia Caldaria para debater os temas de interese das Vilas Termais de España. No marco do devandito simposio nacional, o alcalde do Concello de Verín, Gerardo Seoane, deu a coñecer o patrimonio da vila do Támega e as súas augas mineiro medicinais a alcaldes de Vilas Termais de toda España. O encontro tivo lugar hoxe venres 10 de marzo nos balnearios de Cabreiroá e Caldeliñas.

Os vindeiros 31 de marzo e 1 de abril, a Biblioteca Municipal do Concello de Verín converterá, un ano máis, a vila do Támega no epicentro cultural da novela histórica organizando a sexta edición das “Xornadas de Novela Histórica”. Esta vez baixo o título de “Historia e Misterios”, contará coa presenza de cinco autores e autoras de primeiro nivel dentro de este xénero literario, entre os que se encontran o Premio Planeta 2017, Javier Sierra, e a Premio Planeta 2022, Luz Gabás.