Concello de Verín

MÁIS INFORMACIÓN NA WEB DA EUROCIDADE

Esta mañá, o tenente de alcalde, Diego Lourenzo Moura, e o Director de Adiccag  (Asociación para a Divulgación da Cultura da Cervexa Artesá), Pablo Casanova, presentaron, na casa consistorial, o programa do I Festival da Cervexa Artesá e de Artesanía Medieval, organizado por Adiccag e o Concello, que se celebrará en Verín os días 18, 19 e 20 de setembro.

Desde  o día 19 de setembro até o domingo día 22 de novembro o Concello verinés proxectará, dentro da programación de Outono en Verín do circuíto de exhibición cinematográfica Cinemas de Galicia, seis películas na Casa da Cultura. Así o confirmaron esta maña a concelleira de Cultura, Emilia Somoza, e o Tenente de Alcalde, Diego Lourenzo, na presentación da programación cinematográfica que tivo lugar casa consistorial de Verín.

A Praza Maior de Verín acolle este sábado 19, de 16:00 a 20:00 horas, a primeira edición da "Festa multijuegos da Rexión", un parque de atraccións para os máis pequenos organizado polo xornal en colaboración co Concello de Verín.

Onte, martes 14 de setembro, presentouse na sede da Asociación de Comerciantes de Verín (AEVER) a “Pasarela Verín de moda 2015” que se celebrará o día 26 de setembro, as 20:30 horas, no Pavillón Municipal de Deportes. Esta iniciativa súmase os actos que se reparten ó longo do ano para promover o atractivo turístico, cultural e comercial de Verín. O evento está organizado por AEVER coa colaboración do Concello de Verín, a Xunta de Galicia e a Deputación de Ourense.