Concello de Verín

Durante os días 2, 9 e 16 de abril, Verín vivirá tres xornadas de asombrosos espectáculos da man do Festival de Maxia de Ourense, “Terra Máxica”.

O vindeiro venres 1 de abril, de 18:00 a 19.30 horas, a Biblioteca Pública Municipal de Verín programa a conmemoración do Día Internacional do Libro Infantil, no marco da programación de actividades destinadas ao fomento da lectura e dinamización da instalación municipal.

O vindeiro domingo, 3 de abril, terá lugar a andaina 'Ruta dos Carros. Subida ó Pozo do Demo', organizada polo Concello de Verín e Asociación de sendeirismo Ruta das Augas.

Durante os días 24, 25, 26 e 27 de marzo acudiron ao cinema de Verín un total de 698 persoas. Estes resultados indican a venda do 75,54 por cento das 924 entradas dispoñibles para os 12 pases proxectados durante  Semana Santa das películas Zootrópolis e A coroa partida.

A semana pasada, as Escolas Deportivas do Concello de Verín lograron, por primeira vez na súa historia, o ascenso simultáneo dos seus equipos de Futbol 11 (Xuvenil e Cadete) á Liga Galega.