Concello de Verín

Máis dun centenar de nenos e nenas participaran o próximo martes 13 de xuño, xunto cos seus proxenitores, na festa de fin de curso dos programas 'Kero-Kolo' e 'Kero-Kedar', con actividades lúdicas e deportivas.

Cento noventa e dúas fotos compoñen a mostra fotográfica Percorrendo Verín, que acolle a Sala de Exposicións de Verín até o vindeiro día 14. Organizada polo CEIP Princesa de España proponlle ao espectador dúas visións de Verín e da súa comarca.

O vindeiro venres, 30 de xuño, ás 21:30 horas,  o Auditorio Municipal de Verín acollerá a retransmisión en directo da ópera Madama Butterfly, de Giacomo Puccini, que se representará no Teatro Real de Madrid. Este evento está enmarcado dentro das propostas de achegamento da ópera a todos os cidadáns, que impulsa o programa de actividades do Bicentenario do Teatro Real.

O 8 e o 9 de xuño, o salón de actos da Casa da Cultura acolle as dúas últimas conferencias do ciclo temático “O outro camiño de Santiago”, organizado pola Biblioteca Municipal de Verín: “Templarios e o Santo Graal”, impartida polo catedrático José Luis Curral Lafuente (8 de xullo) e “O outro Camiño de Santiago”, de Toti Martínez de Lezea (9 de xuño).

O vindeiro venres, 9 de xuño, a Asociación de comerciantes da vila de Verín (AEVER) organiza – coa colaboración do Concello de Verín, AEHCOM, Deputación de Ourense e Xunta de Galicia - a segunda “Shopping Night' de Verín na que sesenta  comercios da asociación abrirán as súas portas desde as 20:00 ata as 00:00 da noite, con promocións, descontos e animación nas rúas co obxectivo de estimular o comercio local e ofrecer unha noite chea de sorpresas e emocións.