Concello de Verín

Un total de vinte e sete postos temáticos de artesanía e alimentación, animación musical e actividades para os máis pequenos da casa. Así será a programación da próxima feira de Nadal organizada polo Concello de Verín os días 8, 9 e 10 de decembro na Praza García Barbón.

Samanta Barreira, concelleira de Turismo, Cultura e Festexos do Concello de Verín, participou onte na mesa de traballo convocada polo Clúster de Turismo de Galicia. O obxectivo desta reunión, que tivo lugar no Parador de Verín, foi dar inicio ao proceso de elaboración do Diagnóstico Estratéxico sobre a situación do turismo en Galicia.

A Fundación Galicia Europa, xunto aos seus socios do proxecto EUROCIDADE_2030, organizan unha iniciativa que se celebrará na sede da Eurocidade Chaves – Verín, AECT os próximos días 24 e 25 de novembro. Baixo o título «Novas ruralidades. Un futuro novo e prometedor», esta iniciativa consistirá en dúas xornadas completas especialmente deseñadas para compartir, indagar e descubrir as oportunidades que brinda a nosa contorna para o futuro das novas xeracións.

A Asociación de Nais e Pais de Alumnos (ANPA), en colaboración co Conservatorio Profesional de Música de Verín e a área municipal de Cultura, Festexos, Turismo e Conservatorio, organiza a súa cuarta edición “Gala de Igualdade”, que terá  lugar o Auditorio Municipal de Verín o vindeiro venres 24 de novembro ás 19:15 horas.

O Concello de Verín impartirá un curso oficial,  gratuíto para  desempregados, de socorrismo en instalacións acuáticas.