Concello de Verín

Con motivo do día do Orgullo LGTBI  e como mostra da súa unión ao proxecto da FEMP (Federación Española de Municipios y Provincias) para a visibilización de valores universais tales como a igualdade, o respecto, a diversidade, a liberdade e a non discriminación, o Concello de Verín mostrará unha bandeira do colectivo na fachada do ente municipal.

Tras catro anos de traballo e infinidade de actuacións, a Asociación Cultural Solo Teatro arriba en Verín co proxecto “Solo”. Cun elenco de primeira categoría, Solo Teatro actuará o vindeiro 1 de xullo no Auditorio ás 20:30 horas. A obra está pensada para un público adulto e a entrada é completamente de balde.

9 voluntarios con formación en emerxencias impartiron 65 obradoiros para nenos de entre 5 e 18 anos neste curso 2016/2017. Os obradoiros desenvolvéronse,  en 11 colexios dos 4 da bisbarra: Verín, Castrelo do Val, Monterrei e Oímbra, cunha asombrosa participación de 1.228 rapaces. #MiPasioNEsTuSeguridad é o lema que acompañou esta segunda edición do programa “Proteduca”, unha acción conxunta do Concello de Verín e a Asociación de Voluntarios de Protección Civil de Verín.

O vindeiro xoves, día 7 de xullo dan comezo dúas xornadas de doazón de sangue na Comarca de Verín. Tras o éxito da campaña do ano pasado na que 50 de cada 1000 persoas foron doantes, en este 2017, esperan conseguir o mesmo nivel de aceptación e participación.

O balneario histórico de Caldeliñas volveu a ver correr hoxe o seu manancial tras 70 anos pechado ó público. Así mesmo, o Concello puxo en marcha as obras de acondicionamento do entorno, moi deteriorado polo abandono  e natureza química das propias augas, para que as instalacións poidan beneficiarse dunha actuación de urxencia que permita o seu uso público.