Concello de Verín

Desde maña martes 9 de xullo e até o día 2 de agosto, a Sala de Exposicións de Verín acolle unha exposición de obras de Lorena Quintas Rejo, artista ourensá que padece unha discapacidade funcional visual total. Galicia en fíos poderase visitar de luns a venres das 17 ás 20 horas, sendo a inauguración oficial mañá as 12:00 horas.

A partir do 15 de xullo, o novo centro de día do Concello de Verín Raiolaofrecerá dous novos e importantes servizos externos. Aproveitando instalación anexas as actuais, ofrecerá a posibilidade de que todas aquelas persoas con rendas baixas e que así o acrediten perante a oficina dos Servizos Sociais de Verín poidan acceder ao comedor social para xantar ou cear a un prezo máximo de 6 euros. Así mesmo, tamén estará a dispor de toda a cidadanía un completo e económico servizo de lavandería.

A vila de Verín acolle mañá sábado, ás 16:30 horas, o desfile de camións engalanados máis importante de Galicia, segundo os seus organizadores, os socios da asociación Agrutransve, que aglutina aos máis dun cento de transportistas da localidade.

A presidenta do C. R.D.O. Monterrei, Lara Dá Silva Rodríguez, e o alcalde de Verín, Gerardo Seoane, asinaron esta mañá un convenio de colaboración entre as dúas entidades destinado á organización da próxima edición da Feira do Viño de Monterrei, que se celebrará do 09 ao 11 de agosto.

Dado que este ano a festividade de San Fermín coincide en domingo, a Ludoteca do Concello de Verín adianta a súa tradicional celebración para mañá venres, de 11:00 a 13:00 horas. Máis dun centenar de  menores integrantes deste servizo de conciliación, coeducación e diversión. participarán nunha divertida xornada de xogos no colexio infantil Amaro Refojo.