En consonancia co espírito participativo e popular do Entroido, o Concello de Verín promove un concurso para a elección da mellor comparsa e carroza participantes no desfile de Entroido.
Os verinenses e visitantes, previa presentación do DNI, poderán participar neste proceso de selección que se desenvolverá desde o domingo 22 ata o 24 de febreiro na tenda do Entroido -situada na rúa Lisa-, de 10 a 21 horas, e durante os días 26 e 27 de febreiro na Casa do Escudo, de 10 a 14 e 16.30 a 20.30 horas.

Os galardóns repartiranse na cea do Día de Piñata, 28 de febreiro, xunto co Cigarrón de Honra, Fidelidade e o ‘Pescadilla’.