Concello de Verín

 Dende a área de Mocidade do Concello de Verín organízase o programa deportivo "Escola de Verán 2022" (Convive en Igualdade) e infórmase que a partir do vindeiro luns, 30 de maio, ábrese o  prazo de inscrición formal. A Escola de Verán é unha iniciativa lúdico-deportiva que xa cumpre a súa 23ª edición e que está ideada para nenos e nenas nados entre o 2008 e o 2018.

Como principais novidades respecto a outras tempadas, os usuarios poderán desfrutar dunha ampliación do horario da actividade, podendo asistir dende as 8.00 ata as 14.30 horas (todos os días), de luns a venres. Do mesmo xeito, e coa finalidade de  facilitar a conciliación da vida laboral e familiar -así como poder ofrecer unha alternativa completa para o período vacacional dos máis pequenos- expándese a duración da actividade dende o 27 de xuño ata o 7 de setembro.

Respecto á tipoloxía das actividades da "Escola de Verán", desenvolverase o tradicional programa baseado en xogos coeducativos de igualdade e actividades deportivas variadas, salpicado doutras actividades complementarias como cine, teatro, obradoiros, piscina, bailes e actividades propias de ocio e recreación. O repertorio complementarase con diferentes eventos (torneos deportivos especiais) e saídas pola contorna de Verín, así como unha actividade sorpresa de gran envergadura para configurar un verán motivador e moi dinámico que faga que os nenos acheguen unha experiencia irrepetible.

As diferentes modalidades de participación da Escola de Verán son as seguintes:

- Grupo Xeral de 3 días/semana (luns-mércores-venres) *

Idades: 4 a 14 anos.

Lugar: Preferentemente no Pavillón Municipal de Deportes e Piscinas de A Granxa.

- Grupo de Fútbol e Fútbol-Sala de 3 días/semana (luns-mércores-venres) *

Idades: 7 a 14 anos.

Lugar: Preferentemente no Complexo Deportivo A Granxa e Piscinas de A Granxa.

- Grupo Xeral de 5 días/semana (luns a venres) *

Idades: 4 a 14 anos.

Lugar: Preferentemente no Pavillón Municipal de Deportes e piscinas de A Granxa.

- Grupo Mixto de 5 días/semana (luns a venres) *

Idades: 7 a 14 anos.

Lugar: Pavillón Municipal de Deportes/Polideportivo A Granxa e piscinas de A Granxa.

Actividades: Combina a asistencia ao Grupo de Fútbol/Fútbol-Sala (luns, mércores e venres) e o Grupo Xeral (martes e xoves).

(*) O primeiro día da Escola de Verán (27 de xuño) farase unha xuntanza informativa para os pais de todos os participantes no Pavillón de Deportes ás 09.00 horas. Ao rematar a xuntanza, os nenos tomarán a mecánica normalizada da actividade, polo que terán que asistir provistos de roupa axeitada para facer as  actividades e acudir ás piscinas.

Ademais, para ofertar unha actividade totalmente acorde ás necesidades das familias, os usuarios poden elixir a temporalidade que desexen, podendo inscribirse  por quincenas, media matrícula (consta dun mes e unha semana) ou  a matrícula completa (dous meses e dúas semanas).

Os prezos están estipulados do vindeiro xeito:

A inscrición realízase presencialmente nas instalacións do Pavillón Municipal de Deportes (R/ Irmáns Moreno, 13 - Tlfno.: 988.41.11.40), en horario de 9:00 a 14:00 horas, ou ben remitindo un correo electrónico a  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo . Para formalizar as inscricións nesta actividade, compre entregar a seguinte documentación:

• Folla de Solicitude e os consentimentos correspondentes,
• Fotocopia do DNI.
• Xustificante de pagamento das taxas en Caja Rural de Zamora (ES82 3085 0082 57 2197715622).
• Acreditar a condición de eurocidadán/empadroado do menor se se quere acceder ao pagamento reducido.