Concello de Verín

Seminario temático: “As conurbacións transfronteirizas: potenciación da gobernanza interna”

O vindeiro 12 de marzo terá lugar no Auditorio do Centro Cultural de Chaves o primeiro seminario temático do proxecto “URBACT: EGTC”. Este proxecto, enmarcado no programa europeo URBACT e encabezado pola MOT (Misión Operacional Transfronteiriza), pon en rede a varias aglomeracións transfronterizas de Europa e pretende realizar intercambios e traballos sobre o desenvolvemento das súas ferramentas de goberno transfronteirizo local.

Devandito seminario versará sobre a gobernanza interna nas conurbacións transfronterizas europeas -aglomeracións urbanas-, e ademais de asistir ao mesmo unha representación de cada unha das conurbacións que se integran no proxecto -Eurocidade Chaves-Verín, Eurometrópole Lille-Kortrijk-Tournai (Francia/Bélxica), Aglomeración Transfronteiriza Frankfurt del Oder/Slubice (Alemaña/Polonia, AECT (Agrupamento Europeo de Cooperación Territorial) Ister-Granum (Hungría/Eslovaquia), Eurodistrito Estrasburgo-Ortenau (Francia/Alemaña) e Eurodistrito Trinacional de Basilea(Francia/Alemaña/Suiza)-, contará coa participación de representantes da política rexional europea  e de expertos en gobernanza nas aglomeracións transfronteirizas.

Os interesados en asistir ao seminario aínda poden inscribirse ata o vindeiro luns 2 de marzo a través da páxina http://urbact.eu/egtc.

Ademais, o día 13 de marzo terá lugar en Verín a reunión de traballo de URBACT.

Obxecto de estudio académico

O proxecto da Eurocidade segue a atraer a atención como exemplo de cooperación transfronteiriza no ámbito universitario. Despois da visita realizada, no pasado mes de novembro, por estudantes da Universidade Autónoma de Madrid, nesta ocasión un grupo de alumnos das universidades de Tours (Francia) e de Lisboa, interesados en realizar os seus traballos de investigación sobre a cooperación transfronteiriza na Eurocidade Chaves-Verín, realizarán unha visita á mesma no próximo mes de marzo, e se reunirán cos alcaldes de ambos municipios, Secretariado Técnico e Gabinete de Apoio.

Tamén a raíz do interese amosado polo proxecto, o Secretariado Técnico conxunto da Eurocidade foi convidado pola Universidade de Extremadura para participar como poñentes no seminario “Eurociudades Ibéricas” que terá lugar o vindeiro mes de abril en Badaxoz.