Concello de Verín

    Artigo 1º.- Fundamento e natureza.                     

De  conformidade co que prevé o artigo 58 en relación co artigo  20.3  n),  ambos  da  Lei  39/88, do 28 de decembro, reguladora   das   facendas   locais, segundo a modificación que establece o  artigo  66 da Lei 25/1998, do 13 de xullo, de  modificación do réxime legal das taxas estatais e locais e de reordenación das prestacións patrimoniais e de carácter público,  este  concello establece a taxa polas utilizacións privativas  ou  aproveitamentos especiais do dominio público local  por  " instalación de  postos,barracas,  casetas de venda,  espectáculos,  atraccións  ou  recreo,  situados  en terreos de uso público  local,  así  como,  industrias ambulantes  e  rodaxe  cinematográfica" que se regulará pola presente   ordenanza, que se redactou segundo ó que dispón o artigo 16 da devandita Lei 39/88.                          

Artigo 2º.- Feito impoñible.

Constitúe o feito impoñible desta taxa a ocupación de terreos de uso público municipal con instalacións  de carácter  non fixo, para o exercicio de actividades de venda de  calquera  clase, e con aquelas destinadas a espectáculos ou recreos e rodaxe cinematográfica, así como ó exercicio de industrias ambulantes.                                     

Artigo 3º.- Obriga de contribuír.

A obriga de contribuír nace dende o momento en que o aproveitamento que se autoriza para a instalación de postos, espectáculos, recreo na vía pública, rodaxe cinematográfica e para  o exercicio de industrias ambulantes se efectúe, ou dende  que  se  realice  o aproveitamento se se fixera sen a oportuna autorización.                                     

Artigo 4º.- Suxeitos pasivos.

Serán   suxeitos   pasivos  contribuíntes  e  polo tanto obrigados ó pagamento, as persoas físicas ou xurídicas a que se   refire   o  artigo 33 da Lei xeral tributaria, ás que ó seu  favor  se  lles otorguen as licencias ou ás que se lles autorice  para efectuar o aproveitamento especial do dominio público local.                                             

Artigo 5º.- Base impoñible e liquidable.

Tomarase  como  base impoñible do presente tributo, o m2 de  superficie que ocupe o  posto, instalación ou actividade que  se autorice, valorado segundo a tarifa desta ordenanza, os  días naturais de ocupación, o prazo polo que se autorice a industria ambulante ou a rodaxe cinematográfica, os metros lineais e toneladas naquelas ocupacións que así se determina na tarifa.                                                 

Artigo 6º.- Cota tributaria.

1.-  A  contía  da taxa que regula esta ordenanza será a que se fixa na seguinte tarifa:                            

Artigo 7º.- Normas de xestión.

1.-  As  persoas  naturais  o  xurídicas interesadas en obter autorizaciçon para a colocación de postos ou outras instalacións na vía pública, presentarán no Concello solicitude detallada da extensión, duración e carácter do aproveitamento.                                            

2.-  Os  titulares  dos aproveitamentos, ó prescribir a licencia  que se lles concedeu , retirarán da vía pública as instalacións e de non o facer, oconcello farase cargo delas, se fosen utilizables,ou adoptará  as  medidas necesarias para a súa utilización.                         

3.- Non se consentirá a ocupación da vía pública ata que se aboe e obteña a correspondente licencia  polos interesados.                                               

4.-  As  autorizacións  terán  carácter  persoal  e non se poderán ceder ou subarrendar a terceiros.O imcumprimento  deste mandato dará lugar á anulación da licencia.                                                  

Artigo 8º.- Responsables.

1.- Responderán con solidariedade das obrigas tributarias do suxeito pasivo as persoas físicas e xurídicas a  que  se  refiren  os  artigos  38.1  e  39  da  Lei xeral tributaria.                                           

2.-Serán  responsables subsidiarios os administradores das sociedades e os síndicos, interventores ou liquidadores de  crebas,  concursos,  sociedades e entidades en xeral nos supostos e co alcance que sinala o artigo 40 da Lei xeral tributaria.                                                

Artigo 9º.- Obriga do pagamento.

1.-O  pagamento  da  taxa  realizarase  por aboamento directo  na  Tesourería  Municipal ou onde establecera  o Concello,  pero  sempre  antes  de  retirar a correspondente licencia.                                                  

Artigo  10º.-  Exencións, reduccións e demais beneficios

legalmente aplicables.

Non se recoñece ningún beneficio tributario,salvo os que sexan  consecuencia do que establecen os tratados ou acordos internacionais  ou os que prevén as normas con rango de lei.

Artigo 11º.- Infraccións e sancións tributarias.       

En   todo  o  relativo  á  calificación  de  infraccións tributarias e sancións, ademais do que prevé esta ordenanza, estaráse ó que dispoñen os arts. 77 e seguintes da Lei xeral tributaria e demais normativa aplicable.                   

DISPOSICION DERRADEIRA                               

O  texto da presente ordenanza fiscal substitúe e derroga ó  da  anterior  que  aprobou  o  Pleno  en sesión  de data 25.11.1999  e entrará  en  vigor e será de aplicación ó día seguinte da súa publicación íntegra no BOP, permanecendo en vigor ata a súa modificación ou derrogación expresas.      

ANEXO

INDICE ALFABETICO DE VIAS PUBLICAS 

O promedio do valor do mercado da utilidade que se deriva pola utilización privativa ou o aproveitamento especial  do  dominio público local, de acordo co informe do aparellador municipal, é o seguinte:                       

         O alcalde                  O secretario           

     DILIXENCIA: 

Para  facer  constar  que o texto da presente Ordenanza publicóuse  íntegramente no B.O.P.  núm. 55 con data do 8 de marzo do 2000.                                             

                  O secretario,