Concello de Verín

Ata o día 21 de marzo, permanecerá aberta na Sala de Exposicións de Verín a mostra fotográfica Viaxe polo mundo da máscara ibérica de Mercedes Vázquez Saavedra, que xa foi visitada por preto de medio millar de persoas.

Maña mércores 4 de marzo, as 11:00 horas, o Concello de Verín celebra o seu tradicional Pleno Infantil participativo no Auditorio Municipal, cos cos rapaces e rapazas de 6º de Educación Primaria dos centros educativos de Verín.

A celebración do Domingo de Piñata puxo o broche final ao Entroido de Verín. Como todos os anos, o Concello de Verín organizou un xantar popular, nun restaurante da vila, para os participantes nos desfiles de Entroido. O rematar, fíxose entrega dos galardóns de Honra, “Pescadilla” e Fidelidade; así como dos agasallos conmemorativos.

O vindeiro 7 de marzo, ás 20:30 horas, o Auditorio Municipal de Verín acolle a representación da obra “Dúas donas que bailan”, portagonizada por María Barcala e María Ángeles Iglesias baixo a dirección de Xulio Lago. As entradas, que xa están á venda en www.ataquilla.com, teñen un prezo de 7 euros.

A falta de 20 días para que comece o primeiro encontro profesional de música entre Galicia e Portugal, a organización do MUMI avanza a primeira selección de showcases que van ter lugar en distintos espazos da localidade de Verín os vindeiros 12, 13 e 14 de marzo. Serán un total de 12 concertos máis unha animación de rúa, na que se inclúen progrmación aberta ao público xeral. A selección de propostas musicais é unha mostra da diversidade de estilos e formatos musicais dos dous territorios, nunha programación que mestura novos valores e figuras consagradas en espectáculos multidisciplinares para público familiar e adulto.