A Agrupación de Voluntarios de Protección Civil do Concello de Verín realizou un total de 75 actuacións de asistencia á cidadanía en Verín durante a vixencia do estado alarma provocado pola  Covid-19. Ademais dos seus labores habituais, os voluntarios realizaron tarefas de repartición de alimentos, medicamentos e material escolar, desinfección de vehículos de emerxencia da comarca e apoio loxístico aos corpos e forzas de seguridade do estado, o que supón máis de 680 horas traballadas en tarefas de asistencia aos colectivos máis vulnerables e de prevención.

O Concello de Verín retoma o vindeiro luns, 22 de xuño, o sistema de Ordenanza Reguladora do Aparcamento (ORA) que se atopaba suspendido desde o pasado 16 de marzo, momento no que se declarou o estado de alarma para previr a propagación da COVID-19.

O vindeiro  xoves 18 de xuño ábrese o prazo de inscrición da Ludoteca de verán “Convive en Igualdade” e do Campamento urbano “Támega” para o ano 2020, iniciativas organizadas pola Oficina Municipal de Información Xuvenil do Concello de Verín. Este ano, regresan as actividades con importantes  novidades orientadas a manter a seguridade dos seus usuarios e cos firmes obxectivos de axudar aos veciños a conciliar a súa vida laboral e familiar, así como de promover a igualdade entre todas as persoas.

O Salón de Plenos do Concello de Verín acolleu esta mañá unha sesión extraordinaria na que se abordaron os seguintes puntos: 

1. APROBACIÓN DA ACTA DA SESIÓN EXTRAORDINARIA DE DATA 27/05/2020

2. Adxudicación Operación de Crédito a longo prazo para financiar gastos de investimentos 1/2020 (Expte:1555/2020)

3. Expediente 1624/2020. SUSPENSIÓN TAXAS OCUPACIÓN VÍA PÚBLICA EXERCICIO 2020 (POSTOS FEIRAS 3, 11 E 23) )

4. SORTEO MEMBROS MESAS ELECTORAIS ELECCIÓNS AO PARLAMENTO DE GALICIA 12/07/2020

INFORMACIÓN XERAL

Até o día 30 de xuño incluído, está aberto o prazo para se inscribir na proba de acceso a 1º curso de Grao Elemental.