Concello de Verín

A Casa da Cultura de Verín acolle hoxe 16 de febreiro, a partir das 17 horas, a charla 'Fibromialxia, vivir con dor', organizada pola Asociación de Fibromialxia e Síndrome de Fatiga Crónica de Ourense (AFFOU) en colaboración co Concello de Verín.

O programa Xogade (Xogos Galegos Deportivos), coa colaboración do Concello de Verín, organiza un Torneo de Natación nas categorías de benxamín -nados nos anos 2001 e 2002- e alevín -1999 e 2000-.

O venres 18 de febreiro, de 18 a 19.30 horas, a Biblioteca Pública Municipal de Verín organiza a actuación ‘A natureza e os animais’, dentro da programación de actividades destinadas ao fomento da lectura e dinamización desta instalación cultural.

Ata o 23 de maio, a Fundación Preescolar na Casa e a Biblioteca Pública Municipal de Verín programan actividades conxuntas, de carácter educativo, cultural e lúdica para nenos/as da localidade.

A Oficina de Consumo de Verín (OMIC), dependente do Concello de Verín, pecha o ano 2010 coa tramitación de 517 expedientes. Deste total, 224 foron presentadas ao Instituto Galego de Consumo, 38 reclamacións de subministro eléctrico trasladadas á Consellería de Innovación e Industria, 94 resolvéronse por mediación chegando a unha resolución amistosa do conflito e 161 corresponderon a consultas.