Concello de Verín

O vindeiro 29 de maio, a Eurocidade Chaves-Verín organiza a terceira edición da súa andaina popular. Nesta ocasión o percorrido escollido é a 'Ruta da Fronteira' -zona fronteiriza de Chaves e Verín-, destinado a incentivar a importancia desta zona na historia de ambos municipios e estreitar lazos de unión entre españois e portugueses.

A Eurocidade Chaves-Verín pon en funcionamento a sétima edición do Programa de Termalismo Social, entre os días 28 de xuño e 7 de xullo, que permitirá a un mínimo de 25 persoas da comarca de Verín acudir ás Temas de Chaves – Spa do Imperador, beneficiándose dun desconto especial.  

A Casa da Cultura de Verín acolleu, con motivo da celebración do Día das Letras Galegas, a entrega dos premios do 'Certame de Poesía Xosé Carlos Caneiro Pérez' e do 'Certame de Relato Curto Antonio Fernández Pérez'. En total, foron finalistas 68 relatos curtos e poemas escritos por alumnos/as dos CEIPs de Castrelo do Val, de Oímbra e Amaro Refojo de Verín, os colexios María Inmaculada e Apostólico Mercedario, e os IES Castro de Baronceli, García Barbón e Xesús Taboada Chivite

Mañá sábado, ás 12 horas, a Casa da Cultura de Verín acollerá a Gala  Músico-Literaria das Letras Galegas. No acto actuará o Grupo Instrumental do Conservatorio Elemental de Música de Verín e leranse os traballos gañadores das catro modalidades nas que se organizan o Certame de Relato Curto Antonio Fernández Pérez e o Certame de Poesía Xosé Carlos Caneiro Pérez.

Desde Desenvolvemento Local do Concello de Verín infórmase da publicación da convocatoria da concesión directa de subvencións para a adquisición de vehículos eléctricos.