|
Arrinca a nova tempada de cinema municipal no Salón de Actos da Casa da Cultura de Verín |
 |
 |
 |
|
Mércores, 19 Novembro 2025 16:21 |
|
O Concello de Verín pon en marcha unha nova tempada de cinema municipal no Salón de Actos da Casa da Cultura, ofrecendo de novo á veciñanza unha programación estable de cinema comercial de estrea, cunha selección de títulos para todos os públicos e nun espazo cómodo, accesible e de proximidade.
Dende que esta iniciativa botou a andar no ano 2016, converteuse nun punto de referencia na axenda cultural verinesa, achegando unha alternativa de ocio de calidade e permitindo desfrutar das últimas novidades en carteleira sen saír do municipio. O Salón de Actos da Casa da Cultura conta cunha sala acondicionada, con boa acústica e capacidade suficiente para garantir o confort do público asistente.
As entradas, cun custe de 5 euros, poden mercarse 30 minutos antes do inicio de cada sesión.
A programación pechada para novembro e decembro é a seguinte:
21 de novembro de 2025
22 de novembro de 2025
- Los Tipos Malos 2 · 17:00 h
- San Simón · 19:30 e 22:00 h
23 de novembro de 2025
- Los Tipos Malos 2 · 17:00 h
- San Simón · 19:30 e 22:00 h
28 de novembro de 2025
29 de novembro de 2025
- Los Tipos Malos 2 · 17:00 h
- La Cena · 19:30 e 22:00 h
30 de novembro de 2025
- Los Tipos Malos 2 · 17:00 h
- La Cena · 19:30 e 22:00 h
5 de decembro de 2025
- Me Has Robado el Corazón · 20:30 h
6 de decembro de 2025
- Me Has Robado el Corazón · 17:00, 19:30 e 22:00 h
7 de decembro de 2025
- Me Has Robado el Corazón · 17:00, 19:30 e 22:00 h
|
|
Fontes Sonoras: A Eurocidade Chaves Verín presenta un novo festival transfronteirizo, en Verín |
|
|
|
|
Xoves, 16 Outubro 2025 00:00 |
|
A Eurocidade Chaves-Verín, AECT, presentou esta mañá, en Verín, na Casa da Cultura, o Festival Fontes Sonoras. Este festival de carácter transfronteirizo e de acceso gratuíto, que se celebrará os días 14, 15 e 16 de novembro, reunirá narradores, poetas e músicos en diferentes espazos de Verín e Chaves para que o público poida gozar de historias, poemas e sons musicais. |
|
Ler máis...
|
|
|
O Concello abre o prazo de inscrición para os expositores da Feira de Nadal 2025 |
|
|
|
|
Martes, 04 Novembro 2025 12:21 |
|
Os días 5, 6 e 7 de decembro, o Concello de Verín organiza na Praza Maior a súa Feira de Nadal. As persoas interesadas en participar na mesma deberán enviar a organización as ideas e propostas do seu produto así como da decoración do seu stand. A temática do mesmo deberá estar sempre relacionada co Nadal. |
|
Ler máis...
|
|
Verín recibe unha camisola asinada por Pelé nun acto histórico que simboliza a unión entre a vila e o mito universal do fútbol |
|
|
|
|
Sábado, 25 Outubro 2025 12:32 |
|
O Concello de Verín acolleu este venres, 24 de outubro, no Salón de Actos da Casa da Cultura, un acto histórico de recoñecemento a Edson Arantes do Nascimento “Pelé”, o considerado mellor futbolista de todos os tempos. Durante o evento, José “Pepito” Fornos —mánager e home de confianza do astro brasileiro durante máis de cincuenta anos— fixo entrega ao Verín F.C. da camisola oficial da Selección Brasileira asinada e adicada polo propio Pelé, un agasallo cargado de simbolismo que representa a unión entre o “rei do fútbol”, o deporte galego e a vila de Verín. |
|
Ler máis...
|
|
A Biblioteca Pública Municipal de Verín recibe o Galardón María Moliner 2025 polo proxecto sobre a pioneira investigación psicolóxica de Eloy Luis André |
|
|
|
|
Venres, 24 Outubro 2025 12:52 |
|
A Biblioteca Pública Municipal de Verín vén de ser galardoada, un ano máis, nos Premios María Moliner de Animación á Lectura 2025, outorgados polo Ministerio de Cultura e Deporte a través da Subdirección Xeral de Coordinación Bibliotecaria. Estes premios recoñecen anualmente os mellores proxectos das bibliotecas municipais españolas destinados a fomentar a lectura, promover a inclusión social e impulsar a participación cidadá na vida cultural. |
|
Ler máis...
|
|
|
|
|
<< Inicio < Anterior 1 2 3 4 5 6 7 8 9 10 Seguinte > Final >>
|
|
Páxina 1 de 836 |
