A área de Mocidade e Deportes do Concello de Verín e as Escolas Deportivas de Fútbol municipais promoven unha Liga de Fútbol 7 para veteranos -maiores de 30 anos-, que se desenvolverá desde a segunda quincena de outubro ata o mes de xuño.

Para participar nesta actividade, destinada a promover o deporte e os hábitos saudables en todas as franxas de idade, é necesario inscribirse no complexo deportivo de A Granxa ata o 5 de outubro, nos seguintes horarios: de 10 a 13 e de 18 a 21 horas.