O departamento de Educación Familiar do Concello de Verín e a Consellería de Educación e Ordenación Universitaria organizan un obradoiro de matemáticas para nenos de 5º e 6º de Primaria e 1º e 2º de ESO.

Esta actividade gratuíta, enmarcada dentro do programa de apertura de centros educativos fóra do horario lectivo, será impartida por un profesor de matemáticas os martes e xoves no seguinte horario: 17 a 18 horas -1º e 2º de ESO- e 18 a 19 horas - 5º e 6º de Primaria-.

Para participar nestas clases de reforzo, de 15 alumnos/as por grupo, é necesario inscribirse na oficina de Educación Familiar (Casa da Xuventude -Avda. de Portugal, 11Bis-) ou no teléfono 988-414776.