O xoves 6 de xaneiro, ás 19:00 horas, o Auditorio Municipal de Verín acollerá un concerto tributo a Il Divo da man de Lyberic, grupo lírico-vocal formado por tres novos cantantes con dilatada experiencia sobre os escenarios.

Lyberic está composto por dous tenores e un barítono ( Nestor Martorell, Juan Ledesma e Edgar Abramian) que ofrecen un espectáculo renovado con cancións que recollen desde as bandas sonoras do cinema ata as mellores baladas do rock de todos os tempos, sempre co selo lírico-sinfónico.

As entradas xa están dispoñibles en ataquilla.com por 10 euros.