O Centro Social de Tamaguelos acollerá o vindeiro venres 14 de xaneiro, ás 16 horas, unha charla informativa sobre o ‘Plan Maior de Seguridade’ dirixido ás persoas maiores, coidadoras e veciños/as desta localidade.

Unha charla preventiva e informativa, ofertada por persoal experto da Guardia Civil, que ten por obxectivo abordar e previr as ameazas á seguridade que sofren os maiores como colectivo vulnerable -roubos, furtos, estafas, timos ou os malos tratos, entre outros-; así como fomentar a confianza das persoas maiores nos corpos de seguridade, e perfeccionar a resposta policial ante un colectivo moi amplo e en progresión ascendente.
O Concello de Verín colabora con este programa específico, ‘Plan Maior de Seguridade’, deseñado polo Ministerio do Interior e destinado a protexer ás persoas maiores dos delitos dos que son ou poden ser vítimas.