O Conservatorio Elemental de Música de Verín promove, coa colaboración de Save The Children, Parroquia de Verín e Concello de Verín, a realización dun Concerto Benéfico en solidariedade cos/as nenos/as de Costa de Marfil.

Devandito concerto terá lugar o sábado 24 de abril, ás 16.30 horas, na Igrexa Parroquial da localidade, e no mesmo actuarán alumnos e alumnas do Conservatorio Elemental de Música que interpretarán temas de compositores como Georg Friedrich Haendel, Johann Sebastian Bach, Giuseppe Verdi, Antonio Vivaldi, Joep Wanders, Robert Schumann ou Rolf Amstad, entre outros.