Do 07 ao 09 de agosto, a praza García Barbón de Verín acollerá a cuarta edición do Campionato de Fútbol 3 x 3, organizado pola área de Mocidade, Deporte e Festexos do Concello de Verín.

Esta iniciativa, realizada baixo o lema ‘Deporte na Rúa’, está destinada a nenos/as nados entre os anos 2000 e 2005. Os partidos terán lugar de 19.30 a 22.30 horas durante as tres xornadas, e os tres primeiros clasificados recibirán un trofeo.

A inscrición para participar neste campionato realizase na propia praza García Barbón antes do inicio do mesmo, previsto ás 19.30 horas de mañá 7 de agosto.