Ampliación do prazo de idade na Ludoteca Deportiva |
|
Martes, 28 Xuño 2011 11:52 |
A iniciativa Ludoteca Deportiva, programada polo Servizo Municipal de Deportes do Concello de Verín para os meses de verán, amplía o prazo de idade dos/as participantes na mesma do ano 2003 ao 2004.
Esta novidade oferta a oportunidade de practicar deporte de xeito específico co desenvolvemento das disciplinas de Fútbol-7, Fútbol-Sala, Tenis, Pádel e Baloncesto. Todas elas terán lugar no complexo deportivo A Granxa, así como nas piscinas descubertas ás que acudirán os/as menores varias veces á semana.
A Ludoteca Deportiva se desenvolverá do 1 de xullo ao 31 de agosto, de luns a venres en horario de 10 a 13.30. A mesma está destinada para nados do 2001 ao 2004, e un máximo de 50 prazas (por rigorosa orde de inscrición). Os prezos son de 100 euros para os empadroados no municipio de Verín e de 125 para os empadroados noutros concellos.
A inscrición para participar nesta iniciativa deportiva realízase no Pavillón Municipal de Deportes (de luns a venres: de 10 a 13.30 e de 17 a 20 horas). Os requisitos para efectuar a formalización da matrícula son folla de datos, fotocopia de empadroamento, fotocopia do DNI, fotocopia da tarxeta sanitaria, xustificante de pago e folla de autorización para a Lei de Protección de Datos.
|