Concello de Verín

Os Servizos Sociais do Concello de Verín informan que, desde o día 11 de maio do ano en curso, está aberto o prazo da prestación económica de pagamento único por fillas e fillos menores de tres anos para o exercicio 2010.

As voluntarias da Biblioteca Pública Municipal de Verín Esther Vaz Diéguez, Ana García Nóvoa e Cristina Barreira Barreira participarán no  III Congresso Internacional de Literatura Infantil, organizado pola Universidade de Tras-os-Montes e Alto Douro Pólo Chaves.

O sábado 15 de maio, de 11 a 13 horas, a Biblioteca Pública Municipal de Verín organiza actividades lúdico-culturais con motivo do Día das Letras Galegas, adicado este ano ao poeta Uxío Novoneyra.

O presidente da Cámara de Chaves, João Gonçalves Martins Batista, e o alcalde de Verín, Juan Manuel Jiménez Morán, presentaron esta mañá unha nova edición do Programa Termalismo Social. Este programa, que comezará o día 24 de maio, desenvólvese nas Termas de Chaves – SPA do Emperador, cunha duración de 9 días, e vai dirixido a persoas maiores de 50 anos de Chaves e da comarca de Verín-Monterrei.

Os dias 5 e 6 de xuño, no marco da Eurocidade Chaves-Verín, terá lugar a 2ª edición do Fin de Semana Termal, destinado aos/as cidadáns/as dos municipios de Chaves e Verín.

Os/As participantes neste programa de benestar, que se desenvolven no SPA do Emperador das Termas de Chaves, deben ser maiores de 18 anos, e poden optar entre dous paquetes de tratamentos -de 1 e 2 días de duración-:  vigor (35 euros) e relaxante (38 euros). Ambos paquetes serán ofrecidos en sesións de mañá ou de tarde, o sábado 5 de xuño, e só de mañá o domingo 6 (de 10 a 13 horas e de 17 a 20 horas).