Conferencia-coloquio 'Trastornos da conduta alimentaria. Anorexia e bulimia nerviosa. Coñecelos, previlos, tratalos ' en Verín
Venres, 22 Xuño 2012 13:20
O salón de actos da Casa de Cultura de Verín acolle o martes 26 de xuño, ás 20 horas, a conferencia-coloquio 'Trastornos da conduta alimentaria. Anorexia e bulimia nerviosa. Coñecelos, previlos, tratalos' de Jesús Pérez Hornero, psicólogo clínico e especialista da Unidade de Desordes da Alimentación do CHUS.
Mañá venres, de 17.30 a 19.30 horas, a Biblioteca Pública Municipal de Verín programa a iniciativa ‘Festa Pirata’, no marco da programación de actividades destinadas ao fomento da lectura e dinamización da instalación municipal.
Plan especial de ordenación de liñas eléctricas e traslado da subestación en Verín
Venres, 15 Xuño 2012 13:07
O Concello de Verín elaborou un Plan Especial de Ordenación de Liñas Eléctricas, co obxecto de reconfigurar a rede eléctrica da zona así coma a optimización do reparto de cargas en aras de facilitar o desenvolvemento urbanístico previsto neste Concello, e consecuentemente garantir a seguridade da cidadanía fronte as instalacións existentes, ademais de garantir unha axeitada calidade de subministro.
O próximo 17 de xuño terá lugar a III Volta Cicloturista ‘Val do Támega’ organizada polo Club Ciclista Verín, coa colaboración do Concello de Verín, e puntuable para a Copa Galicia.
A aula CeMIT do Concello de Verín promove a actividade 'Tomando as Rendas', destinada ao fomento do autoemprego e o emprendemento entre as mulleres das zonas rurais que teñen á súa arredor oportunidades empresariais pero non dispoñen do coñecemento, financiamento e decisión para poñer en marcha as súas propias empresas.