Concello de Verín

O Concello de Verín vén de anunciar a apertura dun proceso de contratación laboral temporal co obxectivo de cubrir diferentes prazas vinculadas ao servizo de vías e obras municipais.

As prazas ofertadas son as seguintes:

- Peón de vías e obras

- Condutor/a de maquinaria de obras públicas

- Oficial primeira de vías e obras

O prazo de presentación de instancias será de 7 días naturais, contados a partir do día seguinte ao da publicación do anuncio. O último día para presentar solicitudes será o 14 de novembro de 2025.

O procedemento selectivo rexerase polo establecido nas bases xerais de contratación do persoal laboral temporal do Concello, así como polas respectivas bases específicas de cada categoría profesional.

Toda a documentación requirida para participar nestes procesos, así como os anexos e bases correspondentes, atópanse dispoñibles na sede electrónica do Concello de Verín (apartado Tablón de Anuncios – Emprego Público) e tamén no taboleiro de anuncios físico do consistorio.

Con esta convocatoria, o Concello de Verín continúa apostando pola creación de emprego local e pola mellora dos servizos municipais de mantemento e obras públicas, reforzando así a capacidade operativa das brigadas municipais.

???? Máis información: Sede electrónica do Concello de Verín