Concello de Verín

A próxima acción social enmarcada na programación "Descubre a Eurocidade Chaves-Verín – o outro lado que tamén é noso", terá lugar o sábado 9 de agosto e está dirixida á poboación de Chaves. Esta edición coincide coa XVIII Feira do Viño de Monterrei que se celebra en Verín, onde se poderán degustar os mellores viños da comarca.

Esta programación, promovida pola Eurocidade Chaves-Verín, AECT, ten como obxectivo reconectar á poboación local co patrimonio termal e os recursos culturais e turísticos compartidos entre ambas cidades, reforzando o sentimento de pertenza a un territorio común para fomentar a dimensión transfronteiriza da Eurocidade. A empresa responsable da organización e execución do programa será Ideas Esenciais Tours e Eventos.

Esta acción está dirixida ao público xeral de Chaves. A participación é gratuíta, mais as prazas son limitadas. O programa inclúe:

- Transporte

- Seguro

- Visitas guiadas con guías acreditados bilingües

- Xantar

- Actividades culturais e de benestar: promoción da cohesión transfronteiriza

As inscricións son obrigatorias e realízanse en liña a través da seguinte ligazón:

https://forms.gle/n2q27vT2rGDcBuRw6

As persoas interesadas tamén poden inscribirse presencialmente nos seguintes lugares:

- Sede da Eurocidade Chaves-Verín, AECT

- Ideias Essenciais Tours e Eventos (Hotel Premium Chaves)

- Oficina de Turismo de Verín

Todas as accións serán difundidas nas redes sociais das entidades promotoras e organizadoras: Eurocidade Chaves-Verín, AECT e Ideias Essenciais Tours e Eventos. Para máis información pódese consultar a web da Eurocidade:

https://eurocidadechavesverin.eu/agenda/atividades-eurocidade/2025/poi/programas-sociais-para-todos-os-publicos-no-ambito-do-projeto-eurocidade-termal-e-da-agua

Esta actividade enmárcase no proxecto "Eurocidade Termal e da Água", cofinanciado pola Unión Europea a través do programa Interreg VI-A España-Portugal (POCTEP) 2021-2027.