Verín acollerá a cuarta edición do Festival Urbano Extruga na rúa

Home

Cidade

Novas

Verín acollerá a cuarta edición do Festival Urbano Extruga na rúa

Mércores, 17 Agosto 2022 12:31

A.C. Lumiños e o Concello de Verín, presentan a cuarta edición Extruga na rúa, un evento de carácter urbano que engloba deporte, música e arte, e que este ano, como novidade, celebrarase na zona verde situada na contorna de A Preguiza. O festival, completamente gratuíto, terá lugar o 26, 27 e 28 de agosto. Así o confirmaron está mañá Diego Lourenzo, tenente de alcalde e concelleiro de Mocidade de Verín; e Hugo Salgado, Antonio Álvarez, Iris Justo e Noemí Álvarez , organizadores do evento.

Diego Lourenzo quixo agradecer a asociación Lumiños «o esforzo e a dedicación que realizan en prol da cultura urbana, ofrecendo ao noso público máis mozo unha alternativa cultural de primeiro nivel». O tenente de alcalde tamén quixo destacar o cambio de nome realizado nesta edición «pasando de Extruga Street a Extuga na rúa, apostando claramente pola promoción e defensa da nosa lingua».

O Festival Extruga na rúa contará con dúas xornadas musicais que se celebrarán o 26 e 27 de agosto onde se combinarán artistas consolidados do panorama nacional con artistas emerxentes locais do mundo urbano. Devandito evento contará cunha zona de acampada gratuíta, mercadiño e foodtrucks.

Como novidade, os concertos celebraranse na zona verde situada en A Preguiza e contarán con artistas de primeiro nivel como a recoñecida rapeira a nivel estatal, Santa Salut; o grupo galego de rap Rebeliom do Inframundo e, por segundo ano consecutivo, Dakidarría. Ademais o evento contará con outros músicos da escena como Zeltia Irevire, Brais Ninguén e O Pirata, La Pepa, Insideoftheboli e Dankhe, ofrecendo – segundo destacaron desde a organización- «unha fin de semana repleto de alternativas musicais diferentes».

O festival tamén terá cunha xornada destinada ao eido deportivo. O domingo 28 de agosto, no Skate Park de Verín, haberá una xuntanza de Bmx e scooter, probas que contarán coa dotación en premios por cada exhibición.

Ademais, o venres 26 e o sábado 27 de agosto, haberá na Preguiza varios obradoiros impartidos polo grupo compostelán “Vella Escola” como Street Football, pinta camisetas e iniciación ao break dance. Os asistentes tamén poderá participar nun taller de “Iniciación ao hip hop” impartido por Paula López e nunha “Performance musical” dirixida polo verinés Santiago Cañaveral. «O obxectivo destas xornadas é achegar a cultura urbana a diferentes colectivos de idades».

Outro ano máis celebrarase a tradicional “Batalla de gallos” con vista a pre-rexional Freedom Fighters de Asturias e a Liga Xunta de Galicia de Break. Será o venres 26 de agosto na zona verde de A Preguiza.

VENRES 26 DE AGOSTO

Zona verde de A preguiza

16:30 Obradoiro street futbol

17:00-21:00 Batalla de Gallos

18:00 Obradoiro Pintura camisetas

21:00 C-Insideoftheboli

21:25 C- Dankhe

21:50 La Pepa

22:30 Opirata

23:00 Final Batalla

23:45 Rebeliom

01:30 Santa salut